次次吹水，吹什麼話題唔重要，但有一個共同點, 共同點就係鳩吹，大叫 “我知,我有,但冇時間”
所以有鳩吹大叔出現！
(以下內容可能令人不爽，viewer discretion is advised)
: 知唔知呀邊個就嚟出新鏡？好似好正！
: 我知啊。呀邊個有講，即時睇咗啦！
：嘩，呢部機原來可以咁！好勁啊！
：我有呀。就知佢勁，所以買咗。
：嗨，我地去影相囉！
：今日唔得，姑丈到。
：咁下星期啦！
：下星期老細個細妹返香港，行唔開。
：聽日飲咖啡？
：好啊！我帶埋部相機。
單一事件就當然唔可以作準。香港人，生活當然亦係非常繁忙，影相最緊要開心，有助減壓。
準確啲講，應該係買嘢最開心，有助減壓。影相呢個動作，只係一個 bonus, 一個衍生動作 。