喺 YouTube 都講過好多次，拍片而經入屋，唔再係一個昂貴玩兒。玩拍片，當然唔一定做 YouTuber , 佢只係一個平台去 upload 你啲創作，你可以分享俾全世界＇又可以只分享你啲朋友＇或得自己一個人欣賞。大叔唔係專業人士. 同玩攝影一樣，拍到自己鐘意嘅片就有滿足感，當然＇買器材亦非常之開心。大家留意一點， Shutter Alliance 第一日開始，我地鼓吹”應買則買”, “平有平玩” ＇最緊要買完之後就用，唔好為買而買咁唔環保。
如果有睇開我哋個 Instagram， 大家都應該知我用手機拍啲短片仔．我部手機係 iPhone 12 Pro, 畫質算可接受！最新 iphone 14 Pro 仲勁，勁到 Carmen 大部分時間用佢而唔用 GFX。因為我哋唔專業＇拍片盡量簡單方便，㩒個掣就有片，太複雜反而令我地冇心機繼續練習。
大叔第一部 “正經” 相機係 Panasonic GH4, 到今日都用緊。第二部就係 Black Magic Pocket Cinema Camera 4K。 呢幾年 YouTube 片都係用 Bmpcc4k 拍。部 GH4 真係太舊，好多野都開始老化唔再用得，部 black magic 攞出街又非常之唔方便。所以最後決定入部 Sony fx30 , 部新機呢幾日會到手。難得有新玩具，點可以唔拍 “開箱文” ？ 記得留意我哋個 YouTube 。我會繼續寫𨶹於拍片同影相嘅嘢，希望文字可以補充 YouTube 到冇講嘅資料，例如 spec同相片, 兩邊互相補充．
拍片，影相，寫字：我眼中都係 story telling。寫文，尤其中文，對大叔我 係困難．我細個讀鬼仔學校，完全冇機會學中文。因為唔識＇就更加要學要練，寫得唔好，請大家見諒。