Skip to content

街頭攝影, 符碌撞棍

街頭攝影

“夠實際”係街頭攝影其中一個最大特點: 你可以隨時隨地攞起相機就影 ! 你又可以約埋三姑六婆一齊 photowalk. 你影菲林, 佢用手機, 覺得自己係大師就用大底. 周街行, 見乜影乜, 影呀影, 簡單又快趣 !! 街頭攝影其實好空汎, 無特別界定, 最重要你影得開心 and 有進步. 你覺得張相靚, 咪靚. 要求係自己 set, 你理得芭芭拉 屈臣氏唔同意 !!

何為街頭攝影 ?? 唔係 …. 

街頭攝影, 當然要走出街影相, 隨隨便便咁影, 即係 freestyle !!

匿喺屋企睇攝影 youtube 絕對不是 street photography, 極奇量只可以話屋攝 aka. ”喺屋企睇人攝影” !! 要搞清楚街頭定意: 街頭指屋企樓下就地取材. 旅行攝影係旅行攝影: 先旅行, 再喺當地街頭拍攝. 但現實上, 無可能不切實際咁每個月就遠走高飛. 就當你真係咁得閒, 為咗影靚相個個月飛, 嗰啲叫旅行攝影. 同意嗎? 

喺街頭影人像算唔算 ? 若果你可以控制 model 擺甫士, 可以控制燈光, 就當然唔算街頭攝影 !! 簡單咁講, 街攝只可以控制自己同你部相機. 你人親切友好, 可以令新相識朋友擺個靚甫士, 呢個當然算係街頭攝影. 為拗而拗, 有師傅 set 好架生, 搵三姑媽扮阿婆喺街推車, 喺度扮街拍, 咁又算唔算? 算 ! 若然無人知, 觀眾又睇唔出. 但何必玩到咁 ? 做 cheap 自己 !

攝影器材

手上什麼器材都可以 !! 由頭到尾, 主角唔係器材, you are !! 

有人鍾意 Fujifilm, 有人鍾意 Leica,  Judy 鍾意用大機, 佢喜歡影菲林, 阿 George 就歡喜大光圈, 芭芭拉 屈臣氏習慣收光圈影相. 各人有各偏愛, 有屬於自己嘅習慣, 但大家都係鍾意街攝 !!

練習, 練習, 練習

要影好街頭攝影, 就好似做任何事咁, 唯一方法就係練習, 出多啲街影相. 但練習都要有方向去練:

  • 次次出街用同一機一鏡, no exceptions. 
  • 選擇菲林, 數碼, 手機, 大底, 新機, 舊鏡 ??!! 你鍾意啦, 重之用死一機一鏡, 揀咗就唔好改 !!
  • 用菲林就記得用死一種菲林
  • 唔好多心, 去同一地方影相 !! 至少要熟習街頭環境! 
  • 千祈唔好以為有新機新鏡, 自己就會影得好啲, 自欺欺人 ! 睇少陣新機新鏡. 

個 point 係逼自己專注喺對眼上, 而唔係部相機度. 若果你睇唔到, 神機神鏡都死, 菲林幾有 mood 都冇用. 千祈唔好畀部相機分散注意力, 應該專注喺街上嘅人與事, 盡量減少不必要嘅嘢.

你行路時唔會諗住 “我行緊路 !! 嘩, 勁呀, 條孖煙筒著得我行路非常舒服” 你會自自然然咁行, 有需要就停或跳, 唔會在乎條孖煙筒, 見到阿婆仲可以順手扶佢過馬路. 

今時今日網絡發達, 攝影普級到通街都係大師,達人.

下次講”攝影大師”, 睇下佢哋有幾大師.

Leave a Reply