Sony 九月時公報出呢部 FX30, 市面都有幾大回響。回響主力來自價錢，港紙$14,990 就有咁嘅亨受, 你仲想點？雖然部 FX30 用 APS-C，佢親生阿哥 FX3 就 FF , 但價錢就貴一倍，兩部最大分別只係個 sensor size.
大叔我用開 M43 , 所以 APS-C 對我係大．市面上兩萬樓下相機＇以我所知有 Black Magic Pocket Cinema Camera 6K，Fujifilm X-H2 (s), 同 Panasonic GH6。 我完全唔知 canon 同 Nikon, 我都唔知點解。當時偏向 GH6, 因為自己用開 GH4，部機非常之 reliable, 印象良好。
部 Black Magic 就諗都唔諗，因為佢實在太麻煩, 出街拍片太多嘢要拎，而我需要一部 run and gun. 大家千祈唔好誤會, bmpcc4k 絕對係一部強勁嘅相機, 畫質靚過 GH4，但攞佢出街實在太麻鳩煩。
個人覺得 Fujifilm X-H2 係 hybrid 機 (影相一半，拍片一半) 我覺得拍片就拍片，唔好拍拍下冇啦啦影兩張相, 搞到兩頭唔到岸。自己習慣咗拍片機只會拍片。所以最後又冇諗富士。
初期 Sony 比我最大阻力係佢無 ProRes，而自己又唔知 Sony XAVC 喺 FCPX 到剪片快唔快．之從用咗 Mac Studio M1 Max，－個字 “爽” 嚟形容剪片時嘅感受, 再頂唔到咪咪摸摸嘅 rendering. 見 FX30 個 spec 太吸引，上網 Google 下，發覺 XAVC 同 ProRes 冇乜大分別，剪片－樣精神爽利.
解決咗最大憂慮, 發覺 FX30 吸引過 GH6。理由無他，FX30 有強勁嘅自動對焦, Sony 影人追條焦出名準確, 身手敏捷。對大叔我呢啲單拖拍片人, 有自動對焦確係無得頂. 就因為咁, 入咗 Sony 呢個大家庭.
下集寫我對 FX30 嘅 first impression. 絕對自己嘅意見, 所以有可能錯，但至少唔會講嚟講去三幅被．